Obligaziun da prestar survetsch da pumpiers 2025

/in /by

Igl onn 2025 ein las annadas 1983-2004 obligadas da prestar survetsch da pumpiers. L’obligaziun vegn ademplida cun survetsch activ ni cun pagar la taxa da cumpensaziun da frs. 350.–.

Annunzias per il survetsch da pumpiers activ ein d’inoltrar cun il formular online (https://www.laax-gr.ch/online-schalter/formulare-gesetze/feuerwehr/) entochen ils 30 da november 2024. Las persunas ch’eran gia activas igl onn 2024, valan sco annunziadas. Vulan quellas persunas denton pagar niev la taxa da cumpensaziun enstagl da prestar survetsch activ, duein quellas s’annunziar a scret entochen ils 30 da november 2024 tiel cumandant da pumpiers.

Ils 8 da november 2024 allas 19.30 uras ha la sera d’informaziun liug el deposit da pumpiers a Laax. Cun quell’occurrenza vegnan las lavurs dils pumpiers presentadas.

Per ulteriurs sclariments statt il cumandant Sebastian Schulz-Freywald (079 309 94 98 / feuerwehr@laax-gr.ch) bugen a disposiziun.

 

Sagogn, 18-10-2024                                                  administraziun communala Sagogn

 

Contribuziuns per uniuns che promovan ils affons

/in /by

La suprastonza communala renda cheutras attent agl uorden davart il susteniment dallas uniuns che scoleschan e promovan ils affons dalla vischnaunca da Sagogn el sectur da sport e cultura. Affons e giuvenils denter 5 e 16 onns cun dimora ella vischnaunca da Sagogn han il dretg da far valer ina contribuziun da maximal 100 francs per lur uniun ni organisaziun. Nus rendein attent agl art. 5 digl uorden: “Mintgina e mintgin ch’ei autorisaus sa far valer il susteniment alla canzlia communala”. Las uniuns dueien annunziar lur affons cul formular “damonda susteniment d’uniuns”. Davos termin per l’annunzia ei ils 31 d’october 2024.

 

Sagogn, 11-10-2024                                                            Administraziun communala Sagogn

 

Formular -> damonda susteniment uniuns – Antrag Vereinsunterstützung