Archive for month: September, 2024

Tag der Ausschreibung:      Freitag, 27. September 2024
Bauherrschaft:                        Michael Seeholzer, Zürich
Vertreter:                                   Curschellas & Gasser, Ilanz
Bauobjekt/Adresse:              Liegenschaft Nr. 372, Via Starviz 6, Sagogn
Zweck:                                         Ersatz bestehendes Vordach

Die Baupläne stehen in der Gemeindekanzlei zur Einsicht bereit. Einsprachen sind schriftlich und begründet innert 20 Tagen ab Publikationsdatum an den Gemeindevorstand einzureichen.

Sagogn, 27.09.2024                                                      Gemeindevorstand Sagogn

Gi da publicaziun:                   Vendergis, ils 20 da settember 2024
Patrun da construcziun:      Gion Cavelti, Sagogn
Representant:                           Gion Cavelti, Sagogn
Object/adressa:                        Parcella nr. 149, Via Puoz sut 3
Intent:                                          Nova suosta sur extrada davos

Ils plans ein mess ora en canzlia communala. Protestas dil dretg public ein d’inoltrar a scret e fundau alla suprastonza communala enteifer 20 gis naven dil datum da publicaziun.

Sagogn, 20-09-2024                                                     Suprastonza communala Sagogn

Nus supplichein tuts proprietaris da schischom da tagliar anavos tuttas caglias e roma che vargan ora en vias publicas, sinaquei ch’il traffic e la rumida da neiv vegnien buca impedi. Ultra da quei supplichein nus era da risguardar, che las cazzolas da via ston esser libras da caglias e roma.

Nus supplichein privats, administraziuns e pedels da casas da vacanzas da mirar che quellas lavurs vegnien exequidas entochen ils 31 d’october 2024.

En cass che las lavurs vegnan buca fatgas, surprendan ils luvrers communals quei sin cuost dils proprietaris. Nus sereferin sin art. 58 e 61 dalla lescha da baghegiar communala, art. 687 CCS ed art. 76, al. 5 dalla lescha davart la planisaziun dil territori per il cantun Grischun.

Sagogn, 20-09-2024                                                    Suprastonza communala Sagogn

Controlla da habitonts

Annunzia/deponer las scartiras
Tgi che less prender domicil a Sagogn, ha d’annunziar sia arrivada enteifer 14 dis tier la controlla da habitonts da Sagogn. Per l’annunzia ei da deponer il scret da patria (tier famiglias vegn il cudisch da famiglia vitier) ni en cass motivai da dimorants jamnils in attest da domicil. Per persunas ch’ein buca da naziunalitad svizra ei il passaport ni la carta d’identitad e sche gia avon maun, la lubientscha da jasters, necessari. En mintga cass d’ina annunzia ei ina confirmaziun dalla cassa da malsauns (KVG) da muassar avon (excepziun dimorants jamnils).

Partenza/Midadas d’adressas
Tgi che banduna Sagogn ei obligaus d’annunziar la partenza 14 dis suenter la midada da domicil alla controlla da habitonts da Sagogn. Cun returnar la quittanza dallas scartiras deponidas vegn il scret da patria surdaus. Midadas d’adressa enteifer il vitg da Sagogn ein d’annunziar alla canzlia enteifer 14 dis. 

Locataris
Locataris da habitaziuns e casas ein obligai d’annunziar mintga arrivada ni partenza da locataris enteifer 14 dis.

Lubientschas da jasters
Lubientschas da jasters ein da prolunghir 14 dis avon ch’ella croda entras la controlla da habitonts da Sagogn.

Sagogn, 20-09-2024                                                              Administraziun communala Sagogn